ഫിലഡൽഫിയ, ജൂൺ 27: അമേരിക്കയുടെ 250- മത്  സ്വാതന്ത്ര്യ വാർഷികത്തോടനുബന്ധിച്ച് പെൻസിൽവാനിയ അസോസിയേഷൻ ഓഫ് മലയാളീസ് ഫോർ പ്രോസ്പെരിറ്റി ആൻഡ് അഡ്വാൻസ്മെന്റ് (പമ്പ) ഫിലഡൽഫിയയിലെ ഗാലേറിയ ബാങ്ക്വറ്റ് ഹാളിൽ സംഘടിപ്പിച്ച അമേരിക്കയുടെ 250- മത്  സ്വാതന്ത്ര്യ വാർഷികം വിപുലമായ ജനപങ്കാളിത്തത്തോടെയും പ്രൗഢഗംഭീരമായ ചടങ്ങുകളോടെയും നടന്നു. അമേരിക്കൻ സ്വാതന്ത്ര്യത്തിന്റെ 250 വർഷത്തെ മഹത്തായ പൈതൃകത്തെയും ഇന്ത്യൻ-അമേരിക്കൻ സമൂഹത്തിന്റെ സംഭാവനകളെയും ഒരുപോലെ ആദരിച്ച ഈ ആഘോഷത്തിൽ നഗര, സംസ്ഥാന തലങ്ങളിലെ ജനപ്രതിനിധികളും പൊതുസുരക്ഷാ വിഭാഗത്തിലെ ഉന്നത ഉദ്യോഗസ്ഥരും വിവിധ ദേശീയ-പ്രാദേശിക സംഘടനകളുടെ നേതാക്കളും സാമൂഹിക, സാംസ്കാരിക രംഗങ്ങളിലെ പ്രമുഖരും പങ്കെടുത്തു. അമേരിക്കയുടെ 250- മത് വാർഷികാഘോഷങ്ങളുടെ ഭാഗമായി രാജ്യത്തുടനീളം സംഘടിപ്പിക്കപ്പെടുന്ന പരിപാടികളിൽ ശ്രദ്ധേയമായ ഒന്നായിരുന്നു പമ്പയുടെ ഈ ആഘോഷം.
സാമൂഹിക സൗഹൃദ സമ്മേളനത്തോടെയും സംഗീതവിരുന്നോടെയും ആരംഭിച്ച ചടങ്ങിൽ ജനറൽ സെക്രട്ടറി സുമോദ് നേതൃത്വം നല്‍കി. ജോയിന്റ് സെക്രട്ടറി അഭിലാഷ് ജോൺ വിശിഷ്ടാതിഥികളെ വേദിയിലേക്ക് ക്ഷണിച്ചു. പമ്പ പ്രസിഡന്റ് അലക്സ് തോമസ്, പെൻസിൽവാനിയ സ്റ്റേറ്റ് സെനറ്റർ ഷരീഫ് സ്ട്രീറ്റ്, ഫിലഡൽഫിയ സിറ്റി കൗൺസിൽ അംഗങ്ങളായ ഡോ. നീന അഹമ്മദ്, മൈക്കൽ ഡ്രിസ്കോൾ, ഫിലഡൽഫിയ പോലീസ് ഡെപ്യൂട്ടി കമ്മീഷണർ മൈക്ക് ക്രാം, ആഘോഷ കമ്മിറ്റി ചെയർമാൻ ജോർജ് ഓലിക്കൽ, ട്രഷറർ ജോയ് തട്ടാരുകുന്നേൽ, ബോർഡ് ഓഫ് ട്രസ്റ്റീസ് ചെയർമാൻ സുധ കർത്ത, ട്രൈ-സ്റ്റേറ്റ് കേരള ഫോറം ചെയർമാൻ ലെനോ സ്കറിയ തുടങ്ങിയവർ വേദിയിൽ സന്നിഹിതരായിരുന്നു.
റെവ. എം. കെ. കുര്യാക്കോസ് അമേരിക്കയുടെ 250 വർഷത്തെ യാത്രയ്ക്ക് നന്ദി അർപ്പിച്ച പ്രാർത്ഥനയ്ക്ക് നേതൃത്വം നൽകി. അമേരിക്കൻ ദേശീയഗാനം ഏയ്ഞ്ചൽ മേരി റേച്ചൽ തോമസും ഇന്ത്യൻ ദേശീയഗാനം സൗമ്യ തോമസും ആലപിച്ചു.
ആഘോഷ കമ്മിറ്റി ചെയർമാൻ ജോർജ് ഓലിക്കൽ സ്വാഗതപ്രസംഗത്തിൽ അമേരിക്കൻ ജനാധിപത്യത്തിന്റെ മൂല്യങ്ങളെയും മലയാളി സമൂഹത്തിന്റെ സാമൂഹിക ഉത്തരവാദിത്വത്തെയും എടുത്തുപറഞ്ഞു. പമ്പ പ്രസിഡന്റ് അലക്സ് തോമസ് അധ്യക്ഷ പ്രസംഗത്തിൽ അമേരിക്ക നൽകിയ അവസരങ്ങൾക്ക് നന്ദി രേഖപ്പെടുത്തുകയും സമൂഹ ഐക്യവും പൊതുസേവനവും ശക്തിപ്പെടുത്താൻ എല്ലാവരും കൈകോർക്കണമെന്ന് ആഹ്വാനം ചെയ്യുകയും ചെയ്തു.
ഡോ. ഈപ്പൻ ഡാനിയേൽ അവതരിപ്പിച്ച "അമേരിക്കയുടെ 250 വര്‍ഷങ്ങള്‍"  ഡോക്യുമെന്ററി അമേരിക്കയുടെ സ്വാതന്ത്ര്യ സമരചരിത്രവും ഭരണഘടനാപരമായ വളർച്ചയും ജനാധിപത്യ പാരമ്പര്യവും സവിശേഷമായി അവതരിപ്പിച്ച് പ്രേക്ഷകരുടെ പ്രശംസ നേടി.
തുടർന്ന്  പൊതുസുരക്ഷാ വിഭാഗത്തിലെ ഡെപ്യൂട്ടി പോലീസ് കമ്മീഷണർ മൈക്ക് ക്രാം, ഫിലഡൽഫിയ സിറ്റി കൗൺസിൽ അംഗം ഡോ. നീന അഹമ്മദ് എന്നിവരെ ആദരിച്ചു.
ഫിലഡൽഫിയയിലെ മലയാളി സമൂഹത്തിന്റെ വളർച്ചയ്ക്ക് നിർണായക സംഭാവന നൽകിയ പയനിയർ സമൂഹനേതാവ് പി. ടി. മാത്യുവിനെ പ്രത്യേക ആദരവോടെ അനുമോദിച്ചു. ഈ ആദരിക്കൽ ചടങ്ങിന്റെ ഏകോപനം ജോർജ് ഓലിക്കൽ നിർവഹിച്ചു.
പരിപാടിയുടെ ഏറ്റവും ശ്രദ്ധേയമായ ഭാഗമായിരുന്നു 1998 മുതൽ 2026 വരെ പമ്പയെ നയിച്ച മുൻ പ്രസിഡന്റുമാരെ ആദരിച്ച ചടങ്ങ്. സംഘടനയുടെ വളർച്ചയ്ക്കും ഫിലഡൽഫിയയിലെ മലയാളി സമൂഹത്തിന്റെ ഐക്യത്തിനും നൽകിയ വിലമതിക്കാനാവാത്ത നേതൃത്വത്തിനുള്ള അംഗീകാരമായി മുൻ പ്രസിഡന്റുമാർക്ക് പ്രത്യേക സ്മാരക ഫലകങ്ങൾ സമ്മാനിച്ചു. ഈ പ്രത്യേക ആദരിക്കൽ ചടങ്ങിന്റെ ഏകോപന ചുമതല  തോമസ് പോളും  സെലിൻ ഓലിക്കലും   നിർവഹിച്ചു. ഫിലഡൽഫിയ പോലീസ് ഡെപ്യൂട്ടി കമ്മീഷണർ മൈക്ക് ക്രാംയും ഫിലഡൽഫിയ സിറ്റി കൗൺസിൽ അംഗം ഡോ. നീന അഹമ്മദും   ചേർന്നാണ് മുൻ പ്രസിഡന്റുമാർക്ക് ആദരസൂചക ഫലകങ്ങൾ വിതരണം ചെയ്തത്. പൊതുസുരക്ഷാ വിഭാഗത്തിൽ സേവനം അനുഷ്ടിക്കുവരെ ആദരിക്കുന്ന  ചടങ്ങില്‍  ഡെപ്യൂട്ടി കമ്മീഷണർ മൈക്ക് ക്രാം,  ക്യാപ്റ്റൻ ടി. ജെ. തോമ്സൺ, സർജന്റ് ബ്ലെസൺ മാത്യു,  എന്നിവർക്ക് പൊതുസുരക്ഷാ രംഗത്തെ മാതൃകാപരമായ സേവനത്തിന് പ്രത്യേക അംഗീകാര ഫലകങ്ങൾ സമ്മാനിച്ചു.. ഈ  ആദരിക്കൽ ചടങ്ങിന്റെ ഏകോപന ചുമതല ഡോ. ഈപ്പൻ ഡാനിയേൽ, ജോയ് തട്ടാരുകുന്നേൽ എന്നിവർ നിർവഹിച്ചു.
ബോർഡ് ഓഫ് ട്രസ്റ്റീസ് ചെയർമാൻ സുധ കർത്ത, ഫൊക്കാന പെൻസിൽവാനിയ റീജിയണൽ വൈസ് പ്രസിഡന്റ് ഷാജി സാമുവൽ, , ട്രൈ-സ്റ്റേറ്റ് കേരള ഫോറം ചെയർമാൻ ലെനോ സ്കറിയ, കോട്ടയം അസോസിയേഷൻ പ്രസിഡന്റ് Poമോൻ ജോർജ് , ഫ്രണ്ട്സ് ഓഫ് തിരുവല്ലയുടെ പ്രതിനിധി ജോർജ് ജോസഫ്,പിയാനോ പ്രതിനിധി
ലൈല മാത്യു  എന്നിവർ ആശംസകൾ നേർന്ന് സംസാരിച്ചു. വിവിധ മലയാളി സംഘടനകൾ തമ്മിലുള്ള ഐക്യവും സഹകരണവും കൂടുതൽ ശക്തിപ്പെടുത്തേണ്ടതിന്റെ ആവശ്യകത അവർ ചൂണ്ടിക്കാട്ടി.

മാതാ ഡാൻസ് അക്കാദമിയുടെ നൃത്താവതരണങ്ങളും ജെറോൺ ജോജിയുടെ കലാപരിപാടിയും ആഘോഷത്തിന് മാറ്റുകൂട്ടി. തുടർന്ന് നടന്ന ചടങ്ങിൽ അറ്റോര്‍ണി ജോസഫ് എം. കുന്നേൽ, മണിലാൽ  മത്തായി, അറ്റോര്‍ണി ലെനോ തോമസ് എന്നിവർക്ക് സമൂഹത്തിനും ബിസിനസ് മേഖലയ്ക്കും നൽകിയ സംഭാവനകളെ മാനിച്ച് ബിസിനസ് ലീഡര്‍ഷിപ്പ് അവാര്‍ഡ് നല്‍കി..  ഈ പ്രത്യേക ആദരിക്കൽ ചടങ്ങിന്റെ ഏകോപന ചുമതല  അലക്സ് തോമസും, ജോണ്‍ പണിക്കരും നിർവഹിച്ചു.

മാതാ ഡാൻസ് അക്കാദമിയുടെ  ബേബി തടവനാലിനെയും പമ്പയുടെ ഭാരവാഹികളെയും പ്രത്യേകം ആദരിച്ചു.  ഈ പ്രത്യേക ആദരിക്കൽ ചടങ്ങിന്റെ ഏകോപന ചുമതല റെവ. ഫിലിപ്പ് മോടയില്‍ നിർവഹിച്ചു.
   ജനറൽ സെക്രട്ടറി സുമോദ് നെല്ലിക്കാല നന്ദിപ്രസംഗം നിർവഹിച്ചതോടെ ഔപചാരിക സമ്മേളനം സമാപിച്ചു. തുടർന്ന് വിരുന്നും സംഗീതവിരുന്ന തുടർന്ന് നടന്ന  സംഗീത വിരുിന് സാബു പാമ്പാടി, എിവര്‍ നേതൃത്വം നല്‍കി.
അമേരിക്കയുടെ 250- mw സ്വാതന്ത്ര്യ വാർഷികത്തിന്റെ സന്ദേശം മലയാളി സമൂഹത്തിലേക്ക് എത്തിക്കുന്നതോടൊപ്പം, പൊതുസേവന രംഗത്ത് മാതൃകയായ വ്യക്തികളെയും ജനപ്രതിനിധികളെയും സമൂഹനേതാക്കളെയും ആദരിച്ച  ഈ ആഘോഷം ഫിലഡൽഫിയയിലെ ഇന്ത്യൻ-അമേരിക്കൻ സമൂഹത്തിന്റെ ഐക്യത്തിന്റെയും സാമൂഹിക പ്രതിബദ്ധതയുടെയും മികച്ച ഉദാഹരണമായി മാറി.